Wednesday, 14 December 2022

ഖത്തര്‍ ലോകകപ്പിലെ മികച്ചതാരം മെസി അല്ല; തുറന്നടിച്ച് ഫുട്‌ബോള്‍ ഇതിഹാസം റൊണാള്‍ഡോ


ദോഹ: (www.evisionnews.in) ഖത്തര്‍ ലോകകപ്പിലെ ഏറ്റവും മികച്ച താരത്തെ പ്രവചിച്ച് ബ്രസീലിയന്‍ ഫുട്‌ബോള്‍ ഇതിഹാസം റൊണാള്‍ഡോ. ലയണല്‍ മെസി ടൂര്‍ണമെന്റിലെ മികച്ച താരമാകില്ല. എംബാപ്പെ ടൂര്‍ണമെന്റിന്റെ താരമാകുമെന്നും റൊണാള്‍ഡോ പറഞ്ഞു. ദോഹയില്‍ മാധ്യമപ്രവര്‍ത്തകരോട് സംസാരിക്കുകയായിരുന്നു.

എംബാപ്പെയുടെ നീക്കങ്ങള്‍ക്ക് അപാര വേഗമാണ്. അദ്ദേഹം ചെറുപ്പത്തിലുള്ള എന്നെ ഓര്‍മിപ്പിക്കുന്നു. എംബാപ്പെ മികച്ച താരമാകുന്നതിനൊപ്പം ഫ്രാന്‍സ് വീണ്ടും ലോക കിരീടമുയര്‍ത്തുമെന്നും അദ്ദേഹം പറഞ്ഞു.

ടൂര്‍ണമെന്റില്‍ ഇതിനോടകം അഞ്ചുഗോളുകള്‍ നേടിയ താരമാണ് എംബാപ്പെ. സെമി ഫൈനലില്‍ ക്രൊയേഷ്യക്കെതിരായ ഗോള്‍ നേട്ടത്തോടെ അഞ്ച് ഗോളുമായി മെസിയും എംബാപ്പെയ്ക്ക് ഒപ്പം പിടിച്ചിട്ടുണ്ട്. രണ്ടാം സെമിയില്‍ ഫ്രാന്‍സ് മൊറോക്കോയെ നേരിടുമ്പോള്‍ എല്ലാ കണ്ണുകളും എംബാപ്പെ എന്ന യുവതാരത്തിലാകും- റൊണാള്‍ഡോ പറഞ്ഞു.

Related Posts

ഖത്തര്‍ ലോകകപ്പിലെ മികച്ചതാരം മെസി അല്ല; തുറന്നടിച്ച് ഫുട്‌ബോള്‍ ഇതിഹാസം റൊണാള്‍ഡോ
4/ 5
Oleh

Subscribe via email

Like the post above? Please subscribe to the latest posts directly via email.