Thursday, 18 August 2022

സ്‌കൂളിലേക്ക് പുറപ്പെട്ട വിദ്യാര്‍ഥിയെ പുഴയില്‍ മുങ്ങി മരിച്ച നിലയില്‍ കണ്ടെത്തി


കാസര്‍കോട് (www.evisionnews.in): സ്‌കൂളിലേക്ക് പുറപ്പെട്ട വിദ്യാര്‍ഥിയെ പുഴയില്‍ മുങ്ങി മരിച്ച നിലയില്‍ കണ്ടെത്തി. ആദൂര്‍ ജിഎച്ച്എസ്എസിലെ ഒമ്പതാം തരം വിദ്യാര്‍ഥിയും ആദൂര്‍ ചുക്കുവളപ്പിലെ മുഹമ്മദ് കുഞ്ഞിയുടെ മകനുമായ അഹമ്മദ് മുസമ്മിലിനെ (14)യാണ് മരിച്ച നിലയില്‍ കണ്ടെത്തിയത്. മറ്റൊരു കുട്ടിക്കൊപ്പം രാവിലെ വീട്ടില്‍ നിന്നും സ്‌കൂളിലേക്ക് പോയതായിരുന്നു. വൈകിട്ട് സ്‌കൂളില്‍ നിന്നും എത്തേണ്ട സമയം കഴിഞ്ഞിട്ടും കാണാത്തതിനെ തുടര്‍ന്ന് വീട്ടുകാരും ബന്ധുക്കളും നാട്ടുകാരും ചേര്‍ന്ന് തിരച്ചില്‍ നടത്തിയെങ്കിലും കാണാത്തതിനെ തുടര്‍ന്ന് ആദൂര്‍ പൊലീസില്‍ പരാതി നല്‍കുകയായിരുന്നു.

തിരച്ചില്‍ നടത്തുന്നതിനിടെ സ്‌കൂളിനു തൊട്ടടുത്ത ആളൊഴിഞ്ഞ വീട്ടിന്റെ ഗേറ്റില്‍ യൂണിഫോമും ചെരിപ്പും കണ്ടെത്തിയതിനെ തുടര്‍ന്ന് കാസര്‍കോട് ഫയര്‍ഫോഴ്സ് അസി. സ്റ്റേഷന്‍ ഓഫീസര്‍ അനില്‍ കുമാറിന്റെ നേതൃത്വത്തില്‍ നടത്തിയ തിരച്ചിലിലാണ് ചാലിലെ കുഴിയില്‍ നിന്നും മൃതദേഹം രാത്രി 10.30 മണിയോടെ കണ്ടെത്തിയത്.

Related Posts

സ്‌കൂളിലേക്ക് പുറപ്പെട്ട വിദ്യാര്‍ഥിയെ പുഴയില്‍ മുങ്ങി മരിച്ച നിലയില്‍ കണ്ടെത്തി
4/ 5
Oleh

Subscribe via email

Like the post above? Please subscribe to the latest posts directly via email.