(www.evisionnews.in) സംസ്ഥാനത്ത് കൂടി കടന്നു പോകുന്ന ദേശീയപാതകളിലെ കുഴികളടയ്ക്കാന്‍ നാഷ്ണല്‍ ഹൈവേ അതോറിറ്റിക്ക് ഓഫ് ഇന്ത്യക്ക് സഹായം ആവശ്യമെങ്കില്‍ നല്‍കാന്‍ സന്നദ്ധമാണെന്ന് പൊതുമരാമത്ത് മന്ത്രി പി.എ.മുഹമ്മദ് റിയാസ്. ആവശ്യമായ ഫണ്ട് എന്‍എച്ച്എഐ നല്‍കുകയാണെങ്കില്‍ കുഴികളടയ്ക്കാന്‍ പിഡബ്ല്യൂഡി സന്നദ്ധമാണെന്ന് അദ്ദേഹം പറഞ്ഞു.
ദേശീയപാത അതോറിറ്റിക്ക് നേരിട്ട് കുഴിയടയ്ക്കാന്‍ കഴിയാത്ത സ്ഥലങ്ങളിലെ അറ്റകുറ്റപ്പണികള്‍ സംസ്ഥാനം പൂര്‍ത്തിയാക്കാമെന്നാണ് മന്ത്രി പറഞ്ഞത്. സമാനമായ രീതിയില്‍ നേരത്തെ ആലപ്പുഴയിലെ ദേശീയപാതയില്‍ നേരത്തെ അറ്റകുറ്റപ്പണി നടത്തിയിരുന്നു. അതേ മാതൃക പിന്തുടരാമെന്നാണ് ഇപ്പോള്‍ പൊതുമരാമത്ത് വകുപ്പ് വ്യക്തമാക്കിയിരിക്കുന്നത്. ഇക്കാര്യം ദേശീയപാത അതോറിറ്റിയെ അറിയിച്ചിട്ടുണ്ടെന്നും മന്ത്രി പറഞ്ഞു.
Post a Comment
0 Comments