Tuesday, 1 March 2022

കുതിച്ചുയര്‍ന്ന് പാചക വാതക വില: വാണിജ്യ സിലിണ്ടറിന്റെ വില 105 രൂപ കൂട്ടി


ദേശീയം (www.evisionnews.in): ഇന്ത്യയില്‍ വാണിജ്യാവശ്യത്തിനുള്ള പാചക വാതക സിലണ്ടറിന്റെ വില വീണ്ടും വര്‍ധിപ്പിച്ചു. 19 കിലോഗ്രാം എല്‍പിജി സിലണ്ടറിന് 105 രൂപയാണ് വര്‍ധിപ്പിച്ചത്. ഇതോടെ കൊച്ചിയില്‍ 2009 രൂപയാണ് വാണിജ്യ സിലിണ്ടറിന്റെ ഇന്നത്തെ വില. ഗാര്‍ഹിക എല്‍പിജി സിലിണ്ടറുകളുടെ നിരക്കില്‍ വര്‍ധനയില്ല. വാണിജ്യാവശ്യത്തിനുള്ള 5 കിലോ എല്‍പിജി സിലിണ്ടറിന് 27 രൂപയാണ് വര്‍ധിപ്പിച്ചത്. ഇപ്പോള്‍ ഡല്‍ഹിയില്‍ അഞ്ചു കിലോ സിലിണ്ടറിന് 569 രൂപയാണ് വില. 

ഫെബ്രുവരിയില്‍ എണ്ണക്കമ്പനികള്‍ 19 കിലോഗ്രാം വാണിജ്യ എല്‍പിജി സിലിണ്ടറിന്റെ വില 91.50 രൂപ കുറച്ചിരുന്നു. യുക്രൈനില്‍ റഷ്യ യുദ്ധം തുടങ്ങിയതോടെ ക്രൂഡോയില്‍ വില കുതിച്ചുയര്‍ന്നിരുന്നു. ഇതിനിടെയാണ് പാചകവാതക വില വര്‍ധിപ്പിച്ചത്. എന്നാല്‍ പെട്രോള്‍ - ഡീസല്‍ വിലയില്‍ നിലവില്‍ മാറ്റമില്ല. 2022 ഏപ്രില്‍ മുതല്‍ പാചക വാതക വിലയില്‍ കുത്തനെ വര്‍ധനയുണ്ടായേക്കുമെന്നാണ് റിപ്പോര്‍ട്ടുകള്‍. എല്‍പിജി ഗ്യാസ് സിലിണ്ടറുകള്‍ക്ക് പുറമെ കംപ്രസ്ഡ് നാച്ചുറല്‍ ഗ്യാസ് (സിഎന്‍ജി), പൈപ്പ്ഡ് നാച്ചുറല്‍ ഗ്യാസ് (പിഎന്‍ജി), വൈദ്യുതി എന്നിവയുടെ വിലയും വര്‍ധിച്ചേക്കും. ഇതോടെ അവശ്യ സാധനങ്ങളുടെ ഉള്‍പ്പെടെ വില വര്‍ധിക്കും.




Related Posts

കുതിച്ചുയര്‍ന്ന് പാചക വാതക വില: വാണിജ്യ സിലിണ്ടറിന്റെ വില 105 രൂപ കൂട്ടി
4/ 5
Oleh

Subscribe via email

Like the post above? Please subscribe to the latest posts directly via email.