Wednesday, 22 December 2021

രാജ്യത്ത് ഒമിക്രോണ്‍ പിടിമുറുക്കുന്നു: രോഗ ബാധിതരുടെ എണ്ണം കുത്തനെ ഉയരുന്നു


ദേശീയം (www.evisionnews.in): രാജ്യത്ത് ഒമിക്രോണ്‍ രോഗബാധിതരുടെ എണ്ണം ഉയരുന്നു. ഡല്‍ഹിയില്‍ 24 പേര്‍ക്ക് കൂടി ഒമിക്രോണ്‍ വകഭേദം സ്ഥിരീകരിച്ചു. രോഗബാധ സ്ഥിരീകരിച്ചവരില്‍ 19 പേരും വിദേശത്ത് നിന്നുവന്നവരാണ്. ഇന്ത്യയില്‍ രോഗബാധിതരുടെ എണ്ണം 200 കവിഞ്ഞ് മുന്നേറുന്ന സാഹചര്യത്തില്‍ മൂന്നാം തരംഗത്തിനുള്ള സാധ്യതകള്‍ തള്ളാന്‍ കഴിയില്ലെന്ന് വിദഗ്ധര്‍ പറയുന്നു.

അതേസമയം ഒമൈക്രോണിന് ഡെല്‍ട്ട വകഭേദത്തെക്കാള്‍ മൂന്നിരട്ടി വ്യാപന ശേഷിയുള്ളതായി ആരോഗ്യ മന്ത്രാലയം അറിയിച്ചു. ജില്ലാ പ്രാദേശിക അടിസ്ഥാനത്തില്‍ കര്‍ശന നിരീക്ഷണവും, പരിശോധനയും ഉറപ്പാക്കണമെന്ന് കേന്ദ്രസര്‍ക്കാര്‍ സംസ്ഥാനങ്ങള്‍ക്ക് നിര്‍ദേശം നല്‍കി. 10 ശതമാനത്തിന് മുകളില്‍ പോസിറ്റീവിറ്റി നിര്ക്കുള്ള സ്ഥലങ്ങളില്‍ നിയന്ത്രണങ്ങള്‍ കര്‍ശനമാക്കാനാണ് കേന്ദ്രത്തിന്റെ നിര്‍ദേശം.

പ്രതിരോധ നടപടികള്‍ ശക്തമാക്കുന്നതിന്റെ ഭാഗമായി വാര്‍ റൂമുകള്‍ തയ്യാറാക്കാന്‍ കേന്ദ്ര സര്‍ക്കാര്‍ സംസ്ഥാനങ്ങള്‍ക്ക് നിര്‍ദേശം നല്‍കി. അപകടകരമായ നിലയിലേക്ക് കാര്യങ്ങള്‍ നീങ്ങിയേക്കാമെന്ന ദീര്‍ഘവീക്ഷണത്തോടെ തയ്യാറെടുപ്പുകള്‍ നടത്താനാണ് കേന്ദ്ര ആരോഗ്യ സെക്രട്ടറി രാജേഷ് ഭൂഷന്‍ അയച്ച കത്തില്‍ വ്യക്തമാക്കുന്നത്.




Related Posts

രാജ്യത്ത് ഒമിക്രോണ്‍ പിടിമുറുക്കുന്നു: രോഗ ബാധിതരുടെ എണ്ണം കുത്തനെ ഉയരുന്നു
4/ 5
Oleh

Subscribe via email

Like the post above? Please subscribe to the latest posts directly via email.