കേരളം (www.evisionnews.in): നിപ പ്രതിരോധ പ്രവര്ത്തനങ്ങള്ക്കായി രണ്ടാം കേന്ദ്രസംഘം കേരളത്തിലേക്ക്. പൂനൈ വൈറോളജി ലാബില് നിന്നുള്ള ശാസ്ത്രജ്ഞരുടെ സംഘമാണ് ഇന്ന് സംസ്ഥാനത്തെത്തുന്നത്. ഡോ. റിമ ആര്. സഹായിയുടെ നേതൃത്വത്തിലുള്ള സംഘമാണെത്തുന്നത്. നിപ വ്യാപനം തീവ്രമാകാനിടയില്ലെന്ന് കേന്ദ്ര സംഘത്തിന്റെ പ്രാഥമിക നിഗമനം. കോവിഡ് പ്രോട്ടോകോള് പാലിക്കുന്നതിനാല് രോഗനിയന്ത്രണം സാധ്യമാണ്. ആവശ്യമെങ്കില് കൂടുതല് വിദഗ്ധര് കേരളത്തിലെത്തും.
ഏരിയല് ബാറ്റ് സര്വേയ്ക്കും കേന്ദ്രം നിര്ദ്ദേശം നല്കി. ചാത്തമംഗലം സ്വദേശിയായ ഏഴാം ക്ലാസുകാരന് നിപ രോഗലക്ഷണങ്ങള് പ്രകടിപ്പിച്ച് തുടങ്ങിയത് പത്ത് ദിവസം മുന്പാണ്. രോഗം ഔദ്യോഗികമായി സ്ഥിരീകരിച്ച കഴിഞ്ഞ ദിവസം നില ഗുരുതരമായി മണിക്കൂറുകള്ക്കകം മരണത്തിന് കീഴടങ്ങി. പന്ത്രണ്ടുകാരന് രോഗം ബാധിച്ചത് ജന്തുജാലങ്ങളില് നിന്നാണോ അതോ ആരില് നിന്നെങ്കിലും പകര്ന്നതാണോയെന്ന് ഇപ്പോഴും ഉറപ്പിച്ച് പറയാന് അധികൃതര്ക്കായിട്ടില്ല. ഇതില് വ്യക്തത വരേണ്ടത് പ്രതിരോധ പ്രവര്ത്തനങ്ങളില് നിര്ണായകമാണ്.
Post a Comment
0 Comments