Monday, 20 September 2021

കുന്താപുരത്ത് സൗപര്‍ണികാനദിയില്‍ നീന്താനിറങ്ങിയ യുവാക്കളില്‍ ഒരാളെ ഒഴുക്കില്‍പെട്ട് കാണാതായി; രണ്ടുപേരെ രക്ഷപ്പെടുത്തി


മംഗളൂരു (www.evisionnews.in): കുന്താപുരത്ത് സൗപര്‍ണികാനദിയില്‍ നീന്താനിറങ്ങിയ യുവാക്കളില്‍ ഒരാളെ ഒഴുക്കില്‍പെട്ട് കാണാതായി. രണ്ടുപേരെ രക്ഷപ്പെടുത്തി. ഗംഗോളിക്ക് സമീപം ഗുജ്ജാദി കൊടപ്പാടിയിലെ മഹേന്ദ്ര (24)യെയാണ് ഞായറാഴ്ച വൈകിട്ട് ഒഴുക്കില്‍പെട്ട് കാണാതായത്. ട്രാസിയിലെ മൂവാടി പാലത്തിനടിയില്‍ നിന്ന് കാടപ്പാടി സ്വദേശി ആഷിക് (20), ആനഗോഡ് ഗ്രാമത്തിലെ ശരത് (25) എന്നിവര്‍ക്കൊപ്പം മഹേന്ദ്ര നദിയിലിറങ്ങുകയായിരുന്നു. വെള്ളത്തിലേക്ക് കാലെടുത്തുവച്ചയുടന്‍ മഹേന്ദ്ര നദിയിലെ അടിയൊഴുക്കില്‍ പെടുകയായിരുന്നു. ആഷികും ശരതും ഒഴുക്കില്‍പെട്ടുവെങ്കിലും പ്രദേശവാസികളായ രണാകര്‍ കാഞ്ചനും യോഗേന്ദ്ര കാഞ്ചനും ചേര്‍ന്ന് ഇവരെ രക്ഷപ്പെടുത്തി. മഹേന്ദ്രയെ രക്ഷിക്കാന്‍ കഴിഞ്ഞില്ല.
അഗ്നിശമന സേനാംഗങ്ങളും ഗംഗോളി പൊലീസും നാട്ടുകാരും ബോട്ടുകളുടെ സഹായത്തോടെ നദിയില്‍ തിരച്ചില്‍ ആരംഭിച്ചുവെങ്കിലും തിങ്കളാഴ്ച ഉച്ചവരെയും മഹേന്ദ്രയെ കണ്ടെത്താനായില്ല.

Related Posts

കുന്താപുരത്ത് സൗപര്‍ണികാനദിയില്‍ നീന്താനിറങ്ങിയ യുവാക്കളില്‍ ഒരാളെ ഒഴുക്കില്‍പെട്ട് കാണാതായി; രണ്ടുപേരെ രക്ഷപ്പെടുത്തി
4/ 5
Oleh

Subscribe via email

Like the post above? Please subscribe to the latest posts directly via email.