കാസര്‍കോട് (www.evisionnews.co): ജില്ലയില്‍ അടിയന്തിര ഘട്ടങ്ങളില്‍ രക്തം ലഭ്യമാക്കുന്നതിനും ഈവര്‍ഷം 5000 യൂണിറ്റ് രക്തം നല്‍കുന്നതിനും മുസ്ലിം യൂത്ത് ലീഗ് കാസര്‍കോട് ജില്ലാ കമ്മിറ്റിക്ക് കീഴില്‍ പുതിയ പദ്ധതിക്ക് തുടക്കമായി. ബ്ലഡ് കെയര്‍ കാസര്‍കോട് എന്ന പേരിലാണ് പദ്ധതി നടപ്പിലാക്കുന്നത്. സംസ്ഥാന പ്രസിഡന്റ് പാണക്കാട് സയ്യിദ് മുനവ്വറലി ശിഹാബ് ലോഗോ പ്രകാശനം ചെയ്തു.
ജില്ലയിലെ ശാഖാ കമ്മിറ്റിയില്‍ നിന്നും രക്തദാനം ചെയ്യുന്നവരുടെ പട്ടിക തയാറാക്കി പഞ്ചായത്ത് അടിസ്ഥാനത്തില്‍ പ്രസിദ്ധീകരിക്കുകയും അടിയന്തിര ഘട്ടത്തില്‍ രക്തം നല്‍കാന്‍ തയാറാകുന്ന രക്ത ദാനസേനയെ ബ്ലഡ് കെയറിന്റെ ഭാഗമായി രൂപീകരിക്കുകയും ചെയ്യും.
പ്രസിഡന്റ്് അസീസ് കളത്തൂര്‍ അധ്യക്ഷത വഹിച്ചു. ജനറല്‍ സെക്രട്ടറി സഹീര്‍ ആസിഫ് സ്വാഗതം പറഞ്ഞു. സംസ്ഥാന സമിതി അംഗങ്ങളായ അഷ്‌റഫ് എടനീര്‍, ടിഡി കബീര്‍, ജില്ലാ ട്രഷറര്‍ എംബി ഷാനവാസ്, സീനിയര്‍ വൈസ് പ്രസിഡന്റ്് എംസി ശിഹാബ് മാസ്റ്റര്‍, ഭാരവാഹികളായ എംഎ നജീബ്, എ. മുക്താര്‍, ഹാരിസ് തായല്‍, ശംസുദ്ധീന്‍ ആവിയില്‍, ഹാരിസ് അങ്കക്കളരി, ബാത്തിഷ പൊവ്വല്‍, റഫീഖ് കേളോട്ട്, എംപി നൗഷാദ്, എ.ജി.സി ഷംസാദ്, നൂറുദ്ധീന്‍ ബെളിഞ്ച സംബന്ധിച്ചു.
Post a Comment
0 Comments