ഇന്ധന വില വീണ്ടും കൂട്ടി: പെട്രോള്‍ വില 93 രൂപയിലേക്ക്

കേരളം (www.evisionnews.co): ഇന്ധന വില ഇന്ന് വീണ്ടും കൂട്ടി. പെട്രോളിന് 35 പൈസയും ഡീസലിന് 37 പൈസയും ആണ് ഇന്ന് കൂട്ടിയത്. രണ്ട് ദിവസത്തെ ഇടവേളക്ക് ശേഷമാണ് ഇന്ധനവിലയില്‍ വീണ്ടും വര്‍ധനവ് ഉണ്ടാകുന്നത്. ഇതോടെ കൊച്ചിയില്‍ പെട്രോളിന് 91 രൂപ 20 പൈസയും ഡീസലിന് 85 രൂപയും 86 പൈസയുമായി. തിരുവനന്തപുരത്ത് പെട്രോള്‍ വില 92.81ആണ്. ഡീസല്‍ വില 87.38 രൂപയും.

രണ്ട് ആഴ്ചയോളം തുടര്‍ച്ചയായ വിലവര്‍ധനയ്ക്ക് ശേഷം രണ്ടു ദിവസം ഇന്ധന വില മാറ്റമില്ലാതെ തുടരുകയായിരുന്നു. ഫെബ്രുവരി ഒന്‍പതു മുതലുള്ള പന്ത്രണ്ടു ദിവസത്തിനിടെ 3.63 രൂപയാണ് പെട്രോളിന് കൂടിയത്. ഡീസലിന് 3.84 രൂപയും ഈ കാലയളവിനിടെ വര്‍ധിച്ചു. രാജസ്ഥാനിലെയും മധ്യപ്രദേശിലെയും പല പ്രദേശങ്ങളിലും വില നൂറു രൂപ കടന്നു.