Saturday, 30 January 2021

നേമത്ത് കുമ്മനത്തിനെതിരെ ഉമ്മന്‍ചാണ്ടി മത്സരിക്കും?. പുതുപ്പള്ളിയില്‍ ചാണ്ടിഉമ്മനെ പരിഗണിച്ചേക്കും


കേരളം (www.evisionnews.co): ബിജെപിയുടെ ഏക സിറ്റിംഗ് സീറ്റായ തിരുവനന്തപുരത്തെ നേമത്ത് മത്സരിക്കാന്‍ മുന്‍ മുഖ്യമന്ത്രി ഉമ്മന്‍ചാണ്ടിക്ക് കോണ്‍ഗ്രസ് നേതൃത്വത്തിന്റെ സമ്മര്‍ദ്ദം. ബിജെപിയുമായി നേരിട്ട് മത്സരിക്കണമെന്നാണ് നേതൃത്വത്തിന്റെ അഭിപ്രായം. ബിജെപിയുടെ മുതിര്‍ന്ന നേതാവ് ഒ രാജഗോപാലാണ് ഇവിടെ എംഎല്‍എ. ഇക്കുറി കുമ്മനം രാജശേഖരനെയാണ് പരിഗണിക്കുന്നത്.

ഉമ്മന്‍ചാണ്ടി പുതുപ്പള്ളിയില്‍ മത്സരിക്കുന്നില്ലെങ്കില്‍ മകന്‍ ചാണ്ടി ഉമ്മനാകും പുതുപ്പള്ളിയില്‍ സ്ഥാനാര്‍ത്ഥിയാവുക. ഉമ്മന്‍ചാണ്ടി എവിടെ മത്സരിച്ചാലും ജയിക്കുമെന്ന് കെപിസിസി അധ്യക്ഷന്‍ മുല്ലപ്പള്ളി രാമചന്ദ്രന്‍ പറഞ്ഞു. കോണ്‍ഗ്രസ് എ ഗ്രൂപ്പില്‍ നിന്നടക്കം ഇങ്ങനെയൊരു ആവശ്യം ഉയര്‍ന്നു വന്നിരിക്കുന്നതായാണ് റിപ്പോര്‍ട്ട്. അതേസമയം ഈ വിഷയത്തില്‍ ഉമ്മന്‍ചാണ്ടി ഇതുവരെ പ്രതികരിച്ചിട്ടില്ല. നേമത്തേക്ക് ഉമ്മന്‍ചാണ്ടിയെ പരിഗണിച്ചാല്‍ ബി.ജെ.പിയെ നേരിടാന്‍ കോണ്‍ഗ്രസിലെ ഉന്നത നേതാവിനെ തന്നെ പരിഗണിച്ചുവെന്ന പ്രതീതി സൃഷ്ടിക്കാന്‍ യുഡിഎഫിന് കഴിയുമെന്നാണ് കണക്കുകൂട്ടല്‍.

Related Posts

നേമത്ത് കുമ്മനത്തിനെതിരെ ഉമ്മന്‍ചാണ്ടി മത്സരിക്കും?. പുതുപ്പള്ളിയില്‍ ചാണ്ടിഉമ്മനെ പരിഗണിച്ചേക്കും
4/ 5
Oleh

Subscribe via email

Like the post above? Please subscribe to the latest posts directly via email.