Tuesday, 26 January 2021

രമേശ് ചെന്നിത്തല നയിക്കുന്ന ഐശ്വര്യ കേരള യാത്ര വിജയിപ്പിക്കും: മുസ്ലിം ലീഗ്


കാസര്‍കോട് (www.evisionnews.co): ജനുവരി 31ന് കുമ്പളയില്‍ നിന്നും ആരംഭിക്കുന്ന പ്രതിപക്ഷ നേതാവ് നയിക്കുന്ന ഐശ്വര്യ കേരള യാത്രയുടെ ഉദ്ഘാടന പരിപാടിയും ജില്ലയിലെ മറ്റു സ്വീകരണ പരിപാടികളും വന്‍ വിജയമാക്കാന്‍ മുസ്ലിം ലീഗ് ജില്ലാ നേതൃയോഗം തീരുമാനിച്ചു. പരിപാടികളില്‍ മുഴുവന്‍ പാര്‍ട്ടി പ്രവര്‍ത്തകരും ജനാധിപത്യ വിശ്വാസികളും പങ്കെടുക്കണമെന്ന് യോഗം ആഹ്വാനം ചെയ്തു.

ആസന്നമായ നിയമസഭാ തെരഞ്ഞെടുപ്പില്‍ മഞ്ചേശ്വരം, കാസര്‍കോട് നിയോജക മണ്ഡലങ്ങളില്‍ സി.പി.എം- ബിജെപി ധാരണയുണ്ടാക്കുന്നതിന്റെ ഭാഗമായാണ് ജില്ലയിലെ തദ്ദേശ സ്വയംഭരണ സ്ഥാപനങ്ങളില്‍ ഒളിഞ്ഞും തെളിഞ്ഞും സി.പി.എം-ബി.ജെ.പി കുട്ടുകെട്ടുണ്ടായതെന്ന് യോഗം വിലയിരുത്തി. അധികാര തുടര്‍ച്ചയ്ക്ക് സി.പി.എം നടത്തുന്ന തരംതാണ രാഷ്ട്രീയ പ്രവര്‍ത്തനങ്ങളെ ജനാധിപത്യ മതേതര വിശ്വാസികള്‍ തിരിച്ചറിയണമെന്നും യോഗം അഭ്യര്‍ത്ഥിച്ചു.

മുസ്ലിം ലീഗ് ചെങ്കള പഞ്ചായത്ത് പ്രസിഡണ്ടും എസ്.ടി.യു സംസ്ഥാന ഭാരവാഹിയുമായ ബി.കെ.അബ്ദുസമദിന്റെ നിര്യാണത്തില്‍ യോഗം അനുശോചനം രേഖപ്പെടുത്തി. പ്രസിഡണ്ട് ടി.ഇ അബ്ദുള്ള അധ്യക്ഷത വഹിച്ചു. ജനറല്‍ സെക്രട്ടറി എ. അബ്ദുല്‍ റഹ്മാന്‍ സ്വാഗതം പറഞ്ഞു. സി.ടി അഹമ്മദലി, കല്ലട്ര മാഹിന്‍ ഹാജി, എന്‍.എ നെല്ലിക്കുന്ന് എം.എല്‍.എ, എം.എസ് മുഹമ്മദ് കുഞ്ഞി, വി.കെ.പി ഹമീദലി, എം.ബി യൂസഫ്, അസീസ് മരിക്കെ, വി.പി അബ്ദുല്‍ ഖാദര്‍, വി.കെ ബാവ, പി.എം മുനീര്‍ ഹാജി, മൂസ ബി. ചെര്‍ക്കള പ്രസംഗിച്ചു.

Related Posts

രമേശ് ചെന്നിത്തല നയിക്കുന്ന ഐശ്വര്യ കേരള യാത്ര വിജയിപ്പിക്കും: മുസ്ലിം ലീഗ്
4/ 5
Oleh

Subscribe via email

Like the post above? Please subscribe to the latest posts directly via email.