കാസര്കോട്: (www.evisionnews.co) ശരത്ലാല്- കൃപേഷ് ഇരട്ടരാഷ്ട്രീയ കൊലപാതക കേസില് സി.ബി.ഐ അന്വേഷണത്തിനെതിരെ സുപ്രിം കോടതിയില് സംസ്ഥാന സര്ക്കാര് നല്കിയ ഹര്ജി കൂടി തളളിയതോടെ കേസന്വേഷണം പുനരാരംഭിക്കാനായി സിബിഐ സംഘം ഉടന് പെരിയ കല്ല്യോട്ടെത്തും. സി.ബി.ഐ മേഖലാ തലവന് നന്ദകുമാരന് നായരുടെയും തിരുവനന്തപുരം യൂണിറ്റ് ഡി.വൈ.എസ്.പി ആനന്ദ കൃഷ്ണന്റെയും നേതൃത്വത്തിലുള്ള സംഘമാണ് കേസന്വേഷണത്തിനായി എത്തുക. അതിനിടയില് നേരത്തെ ക്രൈംബ്രാഞ്ച് നല്കാതെ സി.ബി.ഐയെ 'കളിപ്പിച്ച' കുറ്റപത്രം അവര് സി.ബിഐക്ക് നല്കുകയും ചെയ്തു.
ലോക്കല് സെക്രട്ടറി പിതാംബരനില് ഒതുക്കിയ കേസ ന്വഷണത്തിന്റെ ഗൂഢാലോചന കോണ്ഗ്രസ് ആരോപിക്കുന്ന പോലെ സി.പി.എം എം.എല്.എയ്ക്കും മുന് എം.എല്.എയ്ക്കുംെതിരെ തിരിഞ്ഞാല് അത് സി.പി.എമിന് രാഷ്ട്രീയമായ ക്ഷീണമുണ്ടാകുമെന്നാണ് വിലയിരുത്തല്. ഇത് തദ്ദേശ തെരഞ്ഞെടുപ്പിലും വരാനിരിക്കുന്ന നിയമസഭാ തെരഞ്ഞെടുപ്പിലും വലിയ രീതിയില് സിപിഎമ്മിനെ പ്രതിരോധത്തിലാക്കും.
Post a Comment
0 Comments