Tuesday, 8 December 2020

കോവിഡ് വാക്‌സിന്‍ നിര്‍ബന്ധമാക്കരുതെന്ന് ലോകാരോഗ്യ സംഘടന


ദേശീയം (www.evisionnews.co): കോവിഡ് വാക്‌സിന്‍ നിര്‍ബന്ധമാക്കരുതെന്ന് രാജ്യങ്ങളോട് ലോകാരോഗ്യ സംഘടന. വാക്‌സിന്‍ നിര്‍ബന്ധമാക്കുന്നത് തെറ്റായ വഴിയാണെന്നും ഗുണവശങ്ങളെക്കുറിച്ച് ജനങ്ങളെ ബോധവത്കരിക്കുകയാണ് വേണ്ടതെന്നും ലോകാരോഗ്യ സംഘടന രോഗ പ്രതിരോധ വിഭാഗം മേധാവി കെയ്റ്റ് ഒബ്രിയന്‍ പറഞ്ഞു. ജനങ്ങളുടേതാവണം അന്തിമ തീരുമാനമെന്നും അദ്ദേഹം വ്യക്തമാക്കി.


ബ്രിട്ടനില്‍ ഫൈസര്‍, ബയോഎന്‍ടെക് വാക്‌സിനുകള്‍ ഇന്ന് നല്‍കിത്തുടങ്ങും. എട്ട് ലക്ഷം പേര്‍ക്കാണ് ആദ്യ ആഴ്ച വാക്‌സിന്‍ നല്‍കുക. അതിനിടെയാണ് ലോകാരോഗ്യ സംഘടന വാക്‌സിന്‍ നിര്‍ബന്ധമാക്കുന്നതിനെതിരെ രം?ഗത്തെത്തിയത്.


കോവിഡ് വാക്‌സിന് അംഗീകാരം നല്‍കണമെന്നാവശ്യപ്പെട്ട് പുനെ സിറം ഇന്‍സ്റ്റിറ്റ്യൂട്ടും ഫൈസര്‍ ഇന്ത്യയും സമര്‍പ്പിച്ച അപേക്ഷകളില്‍ രണ്ടാഴ്ചയ്ക്കുള്ളില്‍ തീരുമാനമുണ്ടാകും. വാക്‌സിനു രാജ്യം ഏറെ കാത്തിരിക്കേണ്ടി വരില്ലെന്നു പ്രധാനമന്ത്രി നരേന്ദ്രമോദി നേരത്തെ വ്യക്തമാക്കിയിരുന്നു. ഇന്ത്യയില്‍ പരീക്ഷണം നടത്താതെ തന്നെ വാക്‌സിന് അംഗീകാരം നല്‍കണമെന്നാണ് സെന്‍ട്രല്‍ ഡ്രഗ്‌സ് സ്റ്റാന്‍ഡേഡ് കണ്‍ട്രോള്‍ ഓര്‍ഗനൈസേഷനു (സിഡിഎസ്‌സിഒ) ഫൈസര്‍ നല്‍കിയ അപേക്ഷയില്‍ പറയുന്നത്.

Related Posts

കോവിഡ് വാക്‌സിന്‍ നിര്‍ബന്ധമാക്കരുതെന്ന് ലോകാരോഗ്യ സംഘടന
4/ 5
Oleh

Subscribe via email

Like the post above? Please subscribe to the latest posts directly via email.