Sunday, 13 December 2020

ദലിത് യുവാവിനെ വിവാഹംചെയ്ത യുവതിയെ സഹോദരന്മാര്‍ വെടിവെച്ച് കൊലപ്പെടുത്തി


ദേശീയം (www.evisionnews.co): ദലിത് യുവാവിനെ വിവാഹം ചെയ്ത യുവതിയെ സഹോദരന്മാര്‍ വെടിവെച്ച് കൊന്നു. ഉത്തര്‍പ്രദേശിലെ മെയിന്‍പുരി ജില്ലയിലാണ് സംഭവം. സഹോദരിയെ കൊലപ്പടുത്തിയ ശേഷം സഹോദരന്മാര്‍ സ്വന്തം ഫാമില്‍ തന്നെ മൃതദേഹം കുഴിച്ചിടുകയായിരുന്നു. ചാന്ദിനി കശ്യപ് എന്ന 23കാരിയാണ് കൊല്ലപ്പെട്ടത്. കിഴക്കന്‍ ഡല്‍ഹിയില്‍ ഭര്‍ത്താവ് അര്‍ജുന്‍ കുമാറിനൊപ്പം താമസിക്കുകയായിരുന്നു ചാന്ദ്‌നി. 

ഒരു സ്വകാര്യ സ്ഥാപനത്തില്‍ ജോലി ചെയ്യുകയാണ് 25കാരനായ അര്‍ജുന്‍. സുനില്‍, സുശീല്‍, സുധീര്‍ എന്നീ സഹോദരന്മാര്‍ നവംബര്‍ 17ന് ചാന്ദിനിയെ കാണാന്‍ ഡല്‍ഹിയിലെത്തി. തുടര്‍ന്ന് ചാന്ദിനിയെ യുപിയിലെ വീട്ടിലേക്ക് കൊണ്ടുപോയി. നവംബര്‍ 20ന് ചാന്ദിനിയെ കൊലപ്പെടുത്തി ഫാമില്‍ മൃതദേഹം കുഴിച്ചിട്ടു. ഭാര്യയെ തട്ടിക്കൊണ്ടുപോയെന്ന് അര്‍ജുന്‍ നവംബര്‍ 22ന് പൊലീസില്‍ പരാതി നല്‍കി. തുടര്‍ന്ന് നടത്തിയ അന്വേഷണത്തിലാണ് മൃതദേഹം കണ്ടെത്തിയത്.സംഭവത്തില്‍ സഹോദരന്മാരില്‍ ഒരാളെ പൊലീസ് അറസ്റ്റ് ചെയ്തു. രണ്ട് പേര്‍ ഒളിവിലാണ്.

Related Posts

ദലിത് യുവാവിനെ വിവാഹംചെയ്ത യുവതിയെ സഹോദരന്മാര്‍ വെടിവെച്ച് കൊലപ്പെടുത്തി
4/ 5
Oleh

Subscribe via email

Like the post above? Please subscribe to the latest posts directly via email.