16 കാരിയെ ലൈംഗികമായി പീഡിപ്പിക്കാന്‍ ശ്രമിച്ച കേസില്‍ കാമുകന്‍ അറസ്റ്റില്‍: അമ്മക്കെതിരെയും കേസ്

കാസര്‍കോട് (www.evisionnews.co): പതിനാറുകാരിയെ ലൈംഗികമായി പീഡിപ്പിക്കാന്‍ ശ്രമിച്ച കേസില്‍ കാമുകന്‍ അറസ്റ്റിലായി. ചെറുപുഴ പോലീസ് സ്റ്റേഷന്‍ പരിധിയില്‍ താമസിക്കുന്ന 16കാരിയെ പീഡിപ്പിക്കാന്‍ ശ്രമിച്ച കേസില്‍ പ്രതിയായ റെജിന്‍ കുമാറിനെ (45)യാണ് പൊലീസ് അറസ്റ്റ് ചെയ്തത്. പെണ്‍കുട്ടി നല്‍കിയ പരാതിയുടെ അടിസ്ഥാനത്തില്‍ റെജിന്‍കുമാറിനെതിരെ പോക്‌സോ നിയമപ്രകാരം ചെറുപുഴ പൊലീസ് കേസെടുക്കുകയായിരുന്നു. സംഭവം മറച്ചുവെക്കാന്‍ കൂട്ടുനിന്ന അമ്മക്കെതിരെയും പോലീസ് കേസെടുത്തു.

2019ലാണ് കേസിനാസ്പദമായ സംഭവം. ഭര്‍ത്താവുമായി അകന്നുകഴിയുന്ന അമ്മക്കൊപ്പമാണ് പെണ്‍കുട്ടി താമസിക്കുന്നത്. ഈ വീട്ടില്‍ റെജിന്‍കുമാര്‍ നിത്യസന്ദര്‍ശകനായിരുന്നു. പിന്നീട് അവസരം മുതലെടുത്ത് റെജിന്‍കുമാര്‍ വീട്ടില്‍വെച്ച് പെണ്‍കുട്ടിയെ പീഡിപ്പിക്കാന്‍ ശ്രമിച്ചെന്നാണ് പരാതി. സംഭവം മറച്ചുവെക്കാന്‍ കാമുകന് കൂട്ടുനിന്ന അമ്മക്കെതിരെയും പോലീസ് കേസെടുത്തിട്ടുണ്ട്.