Monday, 30 November 2020

വാഹനം കെട്ടിവലിക്കാന്‍ ഉപയോഗിച്ച കയര്‍ കഴുത്തില്‍ കുരുങ്ങി യുവാവിന് ദാരുണാന്ത്യം


കാസര്‍കോട് (www.evisionnews.co): വാഹനം കെട്ടിവലിക്കാന്‍ ഉപയോഗിച്ച കയര്‍ കഴുത്തില്‍ കുരുങ്ങി യുവാവിന് ദാരുണാന്ത്യം. രാവണേശ്വരം രാജീവ് കോളനിയിലെ രതീഷ് (40) ആണ് മരിച്ചത്. അജാനൂര്‍ ഇഖ്ബാല്‍ ജംഗ്ഷനില്‍ ഇന്നലെ രാത്രിയാണ് അപകടം. എഞ്ചിന്‍ തകരാര്‍ മൂലം വഴിയില്‍ കിടന്ന പാഴ്വസ്തുക്കള്‍ കയറ്റിയ ഗുഡ്സ് ഓട്ടോയെ മറ്റൊരു വാഹനം കയര്‍ ഉപയോഗിച്ച് കെട്ടിവലിച്ചു കൊണ്ടുവരുന്നതിനിടെയാണ് അപകടം. ആദ്യ വാഹനം ഇഖ്ബാല്‍ ജംഗ്ഷനിലേക്കു തിരിഞ്ഞെങ്കിലും പിറകിലെ എഞ്ചിന്‍ തകരാറുള്ള വാഹനം കെ.എസ്.ടി.പി റോഡില്‍ തന്നെയുള്ളപ്പോഴാണ് രതീഷ് കാഞ്ഞങ്ങാടു ഭാഗത്തു നിന്നു ബൈക്കിലെത്തിയത്. 

കയര്‍ ശ്രദ്ധയില്‍പ്പെടാത്തതിനാല്‍ കയര്‍ കഴുത്തില്‍ കുരുങ്ങി യുവാവ് റോഡിലേക്കു തെറിച്ചു വീഴുകയായിരുന്നു. ബൈക്ക് ഏറെ ദൂരത്തേക്കാണ് തെറിച്ചു വീണത്. ശബ്ദം കേട്ട് ഓടിക്കൂടിയ നാട്ടുകാര്‍ ഉടന്‍ മന്‍സൂര്‍ ആസ്പത്രിയിലെത്തിച്ചെങ്കിലും രക്ഷിക്കാനായില്ല. അരയി കണ്ടംകുട്ടിച്ചാല്‍ സ്വദേശിയായ രതീഷ് കുറച്ചു കാലമായി രാവണേശ്വരം രാജീവ് കോളനിയിലാണ് താമസം. ഭാര്യ: സബിത. അച്ഛന്‍: ഗുരുദേവന്‍. അമ്മ: സുമതി. മക്കള്‍: നിധീഷ് (പ്ലസ് വണ്‍ വിദ്യാര്‍ഥി, രാവണേശ്വരം ഹയര്‍ സെക്കന്‍ഡറി സ്‌കൂള്‍), നിമിഷ (വിദ്യാര്‍ഥിനി).

Related Posts

വാഹനം കെട്ടിവലിക്കാന്‍ ഉപയോഗിച്ച കയര്‍ കഴുത്തില്‍ കുരുങ്ങി യുവാവിന് ദാരുണാന്ത്യം
4/ 5
Oleh

Subscribe via email

Like the post above? Please subscribe to the latest posts directly via email.