കാസര്‍കോട്(www.evisionnews.in):
കുടുംബശ്രീ ജില്ലാമിഷന്‍ നടപ്പാക്കുന്ന കാര്‍ഷിക വികസന പദ്ധതിയായ മഹിളാ കിസാന്‍ സശാക്തീകരണ പരിയോജനയുടെ രണ്ടാംഘട്ട ഉദ്ഘാടനവും വകുപ്പ്തല യോഗവും കളക്ടറേറ്റ് കോണ്‍ഫറന്‍സ് ഹാളില്‍ നടന്നു. ജില്ലാകളക്ടര്‍ ഇ ദേവദാസന്‍ ഉദ്ഘാടനം ചെയ്തു. വിവിധ മേഖലകളില്‍ പരിപാടികള്‍ ഏറ്റെടുത്ത് വിജയിപ്പിച്ച കുടുംബശ്രീ രാജ്യത്തിന് തന്നെ മാതൃകയാണെന്ന് ജില്ലാ കളക്ടര്‍ പറഞ്ഞു. യഥാര്‍ത്ഥ ഉത്പാദനം നടക്കുന്നത് കാര്‍ഷിക മേഖലയിലാണെന്നും ഈ മേഖലയില്‍ കൂടി കുടുംബശ്രീ പ്രവര്‍ത്തകര്‍ രംഗത്തിറങ്ങി മികച്ച പ്രവര്‍ത്തനം കാഴ്ച വെക്കുകയാണെന്നും കളക്ടര്‍ പറഞ്ഞു. കുടുംബശ്രീ ജില്ലാ മിഷന്‍ കോര്‍ഡിനേറ്റര്‍ അബ്ദുള്‍ മജീദ് ചെമ്പിരിക്ക അധ്യക്ഷത വഹിച്ചു. നബാര്‍ഡ് എ ജി എം ജ്യോതിസ് ജഗന്നാഥ്, സി പി സി ആര്‍ ഐ യിലെ കെ മണികണ്ഠന്‍, ക്ഷീരവികസന വകുപ്പിലെ വി മനോഹരന്‍, എം കെ എസ് പി കണ്‍സള്‍ട്ടന്റ് ഇ ബൈജു, കുടുംബശ്രീ എം ഇ സി ഇ രാജേഷ് എന്നിവര്‍ സംസാരിച്ചു. കുടുംബശ്രീ എ ഡി എം സി വിജയന്‍ സ്വാഗതം പറഞ്ഞു.
Keywords:Kasaragod-Agriculture-Kisan-mela
Post a Comment
0 Comments